ऊर्लाबारी आगलागीका घाइते कीर्तिपुरमा बिते

गत कात्तिक २६ गते झापाको ऊर्लाबारीमा लागेको आगोमा घाइते भएका २१ जनामध्ये एक जनाको मृत्यु भएको छ । कीर्तिपुर वर्न अस्पतालमा उपचाररत ४३  वर्षे  नरेश मरतिको गएराति निधन भएको बताइएको छ । 

उक्त आगलागीमा घाइतेमध्ये अझै तीन जनाको सोही अस्पतालको आइसीयु र १७ जनाको जनरल वार्डमा उपचार भइरहेको छ । 

गत लक्ष्मीपूजाको राति ऊर्लाबारी ७, बरगाछीस्थित सुनचाँदी पसलमा लागेको भीषण आगलागीमा उनीहरु घाइते भएका हुन् ।