युक्रेनसङ्ग लड्न गएका ३ नेपाली मारिए
युक्रेनविरुद्ध लड्नका लागि रुसी सेनामा भर्ती भएका ३ जना नेपालीको मृत्यु भएको छ।
मस्कोस्थित नेपाली दूतावासका उच्च अधिकारीका अनुसार उनीहरू मारिएको घटनाबारे विस्तृत विवरणहरू नेपाल सरकारलाई पठाइसकिएको छ।
दूतावासका अनुसार स्याङ्जा पुतली बजारका प्रितम कार्की,दोलखा मेलुङका राजकुमार रोका र इलामका गंगाराज मोक्तानको निधन भएको हो ।
उनीहरूको गत १५ नोभेम्बरमा मृत्यु भएको दूतावासले जनाएको छ।
त्यसको विस्तृत खोजी गरेर दूतावासले चार दिनअघि मात्रै नेपालस्थित कन्सुलर विभागलाई मृतकका आफन्तसँग समन्वय गरिदिनका लागि पत्राचार गरेको थियो ।
उनीहरूको शव व्यवस्थापन र नेपाल पठाउनका लागि रुसी सेनासँग समन्वय भइरहेको जनाइएको छ। उनीहरू कुन घटनामा कसरी मारिएका हुन् भन्ने अझै खुलाइएकाे छैन ।
रुस र युक्रेनबीच युद्ध चर्किरहँदा रुसी सेनामा भर्ना भएका नेपाली युवाका बारेमा विभिन्न राष्ट्रिय र अन्तर्राष्ट्रिय सञ्चारमाध्यमहरूले पनि लेख्दै आएका थिए । तर नेपाली अधिकारीहरूले भने त्याे कुरा पुष्टि गरिरहेका थिएनन् ।
यसअघि लडाईंमा हाेमिएका अरु नेपाली घाइते भएका समाचारहरू पनि सार्वजनिक भएका थिए।
ट्रेन्डिङ पोस्ट
टिप्पणीहरू