तनहुँमा बस दुर्घटना, ३६ जना घाइते

तनहुँमा आज बिहान भएको यात्रुवाहक बस दुर्घटनामा ३६ जना घाइते भएका छन् । व्यास नगरपालिका–१२, घाँसीकुवामा भएको दुर्घटनामा बस सडकबाट तल खसेको छ । 

धरानबाट पोखरातर्फ जाँदै गरेको ग. १ ख ७८९५ नम्बरको बस दुर्घटनामा घाइतेको दमौली अस्पताल र रत्नहरि अस्पतालमा उपचार भइरहेको जिल्ला प्रहरी कार्यालयले जनाएको छ ।

घाइतेमध्ये केहीको अवस्था गम्भीर भएकाले उनीहरुलाई पोखराको अस्पताल रिफर गरिएको छ ।