आगो ताप्न बसेकी चन्द्रकला जलिन्

बर्दियामा आगो ताप्ने क्रममा एक महिलाको जलेर ज्यान गएको छ । बारबर्दिया नगरपालिका–९, बनगाई बस्ने ६६ वर्षीया चन्द्रकला वलीको निधन भएको बताइएको छ । 

हिजो बिहान घरमा आगो ताप्ने क्रममा कपडामा आगो सल्किँदा उनी गम्भीर घाइते भएकी थिइन् । तत्काल उपचारको निम्ति काठमाडौंतर्फ ल्याउने क्रममा उनको बाटोमै मृत्यु भएको हो । हाल घटनाबारे आवश्यक अनुसन्धान भइरहेको प्रहरीले जनाएको छ ।