मोटरसाइकल दुर्घटनामा चालककी श्रीमती र काखकी छोरीको निधन

मकवानपुरमा भएको मोटरसाइकल दुर्घटनामा एक युवकले चार महिने छोरी र श्रीमती गुमाएका छन् । मोटरसाइकल चालक उनी आफूपनि गम्भीर घाइते भएको प्रहरीले जनाएको छ । 

कान्तिराजपथअन्तर्गत मकवानपुरगढी–२, धवाडी पुलमा भएको दुर्घटनामा ३५ वर्षीय भीमबहादुर स्याङ्तानले ३४ वर्षकी श्रीमती रुपा स्याङ्तान र चार महिनाकी छोरी गुमाएका हुन् । उनीहरुको घटनास्थलमा मृत्यु भएको जिल्ला प्रहरी कार्यालय मकवानपुरले जनाएको छ ।

सुकौराबाट कान्तिलोकपथतर्फ जाँदै गरेको प्रदेश ३–०२–०१२ प ६९११ नम्बरको मोटरसाइकल सडकबाट तल खसेको छ । गम्भीर घाइते अवस्थाका चालक स्याङ्तानलाई थप उपचारको निम्ति चितवन पठाइएको जिल्ला प्रहरी कार्यालयका प्रवक्ता लक्ष्मी भण्डारीले जानकारी दिए ।