कुखुरा बोकेको गाडीको ठक्करबाट मोटरसाइकलमा सवार दम्पतिको मृत्यु

गएराति ललितपुरमा कुखुरा बोकेको गाडीले ठक्कर दिएका मोटरसाइकल चालक र उनकी श्रीमतीको उपचारको क्रममा निधन भएको छ । राति साढे ११ बजे लुभुबाट इमाडोल आइरहेको बा.२९ प ९४८५ नम्बरको मोटरसाइकललाई विपरीत दिशाबाट आएको प्रदेश ३–०१–०२२ च ५०७२ नम्बरको जिपले ठक्कर दिएको बताइन्छ ।

ठक्करपछि घाइते भएका महालक्ष्मी नगरपालिका ८ का ४३ वर्षे दिनेश श्रेष्ठ र उनकी श्रीमती ३७ वर्षीया संगीता श्रेष्ठको उपचारको क्रममा किष्ट अस्पतलामा ज्यान गएको हो ।

उनीहरुको ज्यान गएपछि प्रहरीको रोहबरमा गाडी मालिक, मृतकका दाजु र आफन्तहरुबीच दिउँसो कुराकानी भएको हो । सवारी चालक र दुवै सवारी साधन प्रहरी वृत्त सातदोबाटोको नियन्त्रणमा छ । घटनाको आवश्यक अनुसन्धान र छानबिन भइरहेको प्रहरीले जनाएको छ ।