रविका सदस्यले सामाजिक सञ्जालमा घण्टी बजाउनैपर्ने
राष्ट्रिय स्वतन्त्र पार्टीले कुनै पनि समितिमा पदाधिकारी तथा सदस्य हुन चाहने व्यक्तिले त्यसअघि सामाजिक सञ्जालमा घण्टीको प्रचारप्रसार गरेकै हुनुपर्ने नियम बनाएको छ । मधेश प्रदेश समितिमा रिक्त सदस्य पूर्तिका लागि हिजो आह्वान गरिएको विज्ञापनमा पाँच वटा योग्यता तोकिएको छ ।
तीमध्ये चौथो नम्बरमा लेखिएको छ, ‘सामाजिक सञ्जालमार्फत् पार्टीको नाम वा चुनाव चिन्ह उल्लेख भएको कुनै न कुनै प्रचार प्रसार पार्टीको केही सामाग्री पोष्ट भएको प्रमाण ।’ चैत २ गतेभित्र इच्छुकलाई आवेदन दिन आग्रह गरिएको विज्ञापनमा उम्मेदवारले पाँच सय रुपैयाँ बुझाउनुपर्ने उल्लेख छ ।
विगतमा अर्को पार्टीमा रहेको भए कम्तीमा ३५ दिनअगाडि सो पार्टीबाट राजीनामा गरेको हुनुपर्ने छ । त्यसरी राजीनामा दिएको सार्वजनिक घोषणा गरेको प्रमाणसमेत पेश गर्नुपर्ने योग्यताको ३ नम्बरमा लेखिएको छ ।
टिप्पणीहरू