बंगलादेशी नागरिक राति विमानस्थलमा भाग्दाभाग्दै पक्राउ
संयुक्त अरब इमिरेट्सको सारजाहबाट आएका बंगलादेशी नागरिक सुन र अन्य सामानसहित पक्राउ परेका छन् । राति सवा २ बजे एअर अरेबियाको उडानमा काठमाडौं आइपुगेका उनको ब्यागेजमा २५ ग्राम सुन र अन्य २५ किसिमका सामान फेला परेको बताइएको छ ।
भन्सारले शंकास्पद लेखेको ट्याग फालिएको उनको ब्यागेज आगमन कक्षको भन्सारको रेड च्यानलमा भेटेको थियो । सशस्त्र प्रहरी बलको टोली र भन्सारका कर्मचारीले उनलाई भाग्दै गरेको अवस्थामा नियन्त्रणमा लिएको बताइन्छ ।
राहदानी नम्बर ए १४०६२४१५ का मोसरर्फ सोसैनको साथबाट २५ ग्राम सुन र ब्यागेजमा विभिन्न सामान फेला परेको हो । सशस्त्र प्रहरीका अनुसार उनले ४२५ प्याकेट चुरोट, २ थान सोनी क्यामरा, सामसुङको ग्यालेक्सी मोबाइल २ थान, एउटा आइफोन, विभिन्न कम्पनीका फरफ्युम,स्प्रे, कस्मेटिक्सका सामान ल्याएका थिए ।
उनलाई आवश्यक अनुसन्धानको निम्ति राति नै प्रहरी वृत्त, गौशालामा बुझाइएको छ ।
टिप्पणीहरू