स्वास्थ्य परीक्षणपछि जिल्ला प्रहरी कार्यालयको हिरासत
हिजो साँझ काठमाडौंमा पक्राउ परेपछि राति नै पोखरा पुर्याइएका रास्वपा सभापति रवि लामिछानेलाई प्रहरी हिरासतमा राख्नुअघि स्वास्थ्य परीक्षण गरिएको छ । सहकारी ठगी र संगठित अपराध सम्बन्धी मुद्दामा पक्राउ परेका पूर्वगृहमन्त्री एवम् सांसदसमेत रहेका उनलाई प्रहरीले राति सडक मार्ग हुँदै पोखरा लगेको थियो ।
बिहान ३ बजे पोखरा पुगेपछि उनको स्वास्थ्य परीक्षण गरिएको बताइन्छ । हाल जिल्ला प्रहरी कार्यालय, कास्कीको हिरासतमा रहेका उनीमाथि सूर्यदर्शन सहकारीसहित विभिन्न सहकारी संस्थाको साढे ६५ करोड रुपैयाँ भन्दाबढी रकम अपचलन गरेको आरोप छ ।
गोर्खा मिडियाका तत्कालीन पूर्व प्रबन्ध निर्देशक लामिछानेलाई भोलि बिहान जिल्ला अदालत, कास्कीमा उपस्थित गराईंदै छ । यसअघि सहकारी रकम अपचलन सम्बन्धी संसदीय विषेश समितिले लामिछानेसहित अन्य व्यक्तिहरुको संलग्नता देखिएकाले पक्राउ र अनुसन्धान गर्न सिफारिस गरेको थियो ।
टिप्पणीहरू