पूर्वसचिव रामेश्वर खनाललाई सघाउन चन्द्र ढकाल तयार

सरकारले पूर्व सचिव रामेश्वर खनालको संयोजकत्वमा गठित आर्थिक सुधार सुझाव आयोगमा नेपाल उद्योग वाणिज्य महासंघका अध्यक्ष चन्द्रप्रसाद ढकाललाई पनि थप्ने निर्णय गरेको छ । मन्त्रिपरिषद्को हिजो बसेको बैठकले उक्त आयोगमा नेपाल उद्योग परिसंघका राजेशकुमार अग्रवाल र चेम्बर अफ कमर्सका अध्यक्ष कमलेशकुमार अग्रवाललाई पनि समावेश गरेको छ ।

अर्थतन्त्रको समग्र क्षेत्रमा सुधारको लागि रायसहितको प्रतिवेदन पेश गर्न सरकारले खनालको संयोजकत्वमा गत असोजमा पाँच सदस्यीय आयोग गठन गरेको छ । सदस्यहरुमा राष्ट्रिय योजना आयोगका सदस्य डा. प्रकाशकुमार श्रेष्ठ, त्रिभुवन विश्वविद्यालय अर्थशास्त्र केन्द्रीय विभागका प्रमुख प्रा.डा. रामप्रसाद ज्ञवाली,डा. विश्वास गौचन  र नीति अनुसन्धान प्रतिष्ठानका वरिष्ठ अनुसन्धानकर्ता डा. कल्पना खनाल छन् ।