पूर्वराजाको चार्टर विमान सात घण्टापछि काठमाडौं फिर्ता

पूर्वराजा ज्ञानेन्द्र शाह लुम्बिनीमा पूजापाठ सकाएर राजधानी फर्कनुभएको छ । उहाँ समिट एअरको चार्टर उडानमा बिहान १० बजे ११ जनाको टोलीसहित काठमाडौंबाट भैरहवा हुँदै लुम्बिनी जानुभएको थियो ।

सोही उडानको विमान पौने ५ बजे त्रिभुवन अन्तर्राष्ट्रिय विमानस्थलमा अवतरण गरेको छ । लुम्बिनीमा निर्मित बुद्ध मन्दिरमा आयोजित पूजाआजा कार्यक्रम सकेर पूर्वराजा राजधानी फर्कनुभएको हो ।

उहाँको टोलीमा सशस्त्र प्रहरी बलका डिएसपी जगदिशचन्द्र हमालसहित शिवकुमार श्रेष्ठ,अनिलराज पञ्च,सुरेश रेग्मी,मधुपमंगल श्रेष्ठ, राजेशबहादुर सिंह,जयबहादुर शाही, प्रतिक आचार्य,सुदीप सिलवाललगायत थिए ।