जाँदा बुद्ध एअर, फर्कंदा सेनाको हेलिकोप्टर

नेपाली काँग्रेसका सभापति तथा पूर्व प्रधानमन्त्री शेरबहादुर देउवा राजधानी फर्कनुभएको  छ । काँग्रेस कोशी प्रदेशको प्रथम सम्मेलनलाई सम्बोधन गर्न हिजो दिउँसो बुद्ध एअरको विमानमा विराटनगर जानुभएका सभापति देउवा आज नेपाली सेनाको हेलिकोप्टरमा काठमाडौं आइपुग्नुभएको छ ।

हेलिकोप्टरमा साँझ सवा ७ बजे राजधानी आइपुगेको टोलीमा सभापतिसहित गृहमन्त्री रमेश लेखक, ऊर्जामन्त्री दीपक खड्का, पूर्व अर्थमन्त्री डा.प्रकाशशरण महत, महामन्त्री गगन थापा, नेता डा. सशांक कोइराला, राज्य व्यवस्था समितिका सभापति रामहरि खतिवडालगायत १२ जना रहेको बताइन्छ ।