प्रभुराम पथमा आइजिपी वसन्त,घर जाने बेला अर्को घर

नेपाल प्रहरीका महानिरीक्षक बसन्तबहादुर कुँवर अवकाशअघि अर्घाखाँचीको जन्मथलोमा सुविधा सम्पन्न आवासीय भवन बनाउन व्यस्त छन् । आगामी चैतमा अवकाश हुनुअघि  उपलब्ध स्रोत र साधनलाई सदुपयोग गरेर गाउँमा आधुनिक भवन बनाइँदैछ ।

वरपरका पुराना घरलाई भुत्ते बनाउँदै अर्घाखाँचीको गाउँमा ठड्याइएको निकै आकर्षक डिजाइनको घरको आन्तरिक सजावट र रंगरोगन गर्न भने बाँकी रहेको परैबाट देखिन्छ । वरपर ढुंगा माटोको गारो र परम्परागत छाना भएका घरसँगै ठूलो बारीको पाटोमा कुँवरको घर बन्दैछ ।

यसअघि प्रधानसेनापनि प्रभुराम शर्माले पनि अवकाश हुनुअघि आफू बस्ने घर बनाएर सकाएका थिए । उनले काठमाडौंको स्युचाटारमा बनाएको उक्त घरको ‘फर्मुला’ प्रहरी प्रमुख कुँवरले पनि प्रयोग गरेको हुनुपर्छ ।