तीन विश्वविद्यालयका उपकुलपतिको सिंहदरबारमा शपथ

 तीन विश्वविद्यालयका नवनियुक्त उपकुलपतिहरूले पद तथा गोपनीयताको शपथ ग्रहण गरेका छन् । 

नेपाल संस्कृत विश्वविद्यालयका उपकुलपति प्रा.डा धनेश्वर नेपाल, पोखरा विश्वविद्यालयका उपकुलपति प्रा.डा वेदराज केसी र कृषि तथा वन विज्ञान विश्वविद्यालयका उपकुलपति प्रा.डा शारदा थपलियाले आज सिंहदरबार पुगेर प्रधानमन्त्री केपी शर्मा ओलीसमक्ष शपथ लिएका हुन् । 

विश्वविद्यालयका कुलपतिसमेत रहेका प्रधानमन्त्री ओलीले उनीहरुलाई बधाई तथा शुभकामना दिए । कार्यक्रममा सहकुलपति तथा शिक्षामन्त्री विद्या भट्टराईसहित विश्वविद्यालयका विभिन्न पदाधिकारीहरु उपस्थित थिए ।