कर्णालीमा हिमपात, अन्यत्र बादल

गएरातिदेखि कर्णालीका उच्च हिमाली भेगमा हिमपात भएको छ । मुगुको रारा ताल र आसपासका बस्ती तथा हुम्लाको सदरमुकाम वरपर बाक्लो हिउँ परेको बताइएको छ ।

हिमपातले जनजीवन कष्टकर बनेको छ भने कर्णालीमा हवाई सेवा अवरुद्ध भएको छ । राजधानीलगायत मुलुकका अन्य भूभागमा बादल लागेको छ । 

मौसम पूर्वानुमान महाशाखाका अनुसार गण्डकी, बागमती र कोशी प्रदेशका उच्च हिमाली भागमा आज दिउँसोबाट हिमपात हुने सम्भावना छ । केही उच्च पहाडी भूभागमा वर्षा हुनसक्ने अनुमान छ ।