पार्टी बैठकमा प्रधानमन्त्रीको भाषण- मलाई पैसा लुकाएको भनियो
प्रधानमन्त्री तथा नेकपा (एमाले)का अध्यक्ष केपी शर्मा ओलीले आफूविरुद्ध भ्रमपूर्ण प्रचारवाजी भैरहेको भन्दै चित्त दुखाउनुभएको छ ।
पार्टीको जारी केन्द्रीय कमिटी बैठकलाई आज सम्बोधन गर्दै उहाँले आफूलाई बदनाम गर्न विरोधीहरुले नानाथरी हल्ला फैलाएको गुनासो गर्नुभएको हो । पद र प्रतिष्ठा प्राप्तिका लागि नभई देश र जनतालाई सम्मृद्ध बनाउने अभियानमा आफू लागिपरेको ओलीको भनाई छ ।
'म प्रधानमन्त्रीका लागि मात्रै प्रधानमन्त्री भएको हाेइन, देश र जनतालाई समृद्ध बनाउने अभियानमा हिँडेकाे मान्छे हुँ । ममाथि नानाथरी भ्रम फैलाउने काम गरिएकाे छ । ती सबै तथ्यहीन कुरा हुन्', उहाँले भन्नुभयो ।
'स्वास्थ्य बिग्रिएकाे मान्छे कतिबेला पुक्लुक्क जान्छु थाहा छैन' भन्दै थप्नुभयो, 'मलाई स्विस बैँकमा पैसा लुकाएकाे छ भनियाे । सन्तान नै नभएकाेलाई पैसा धेरै किन चाहियाे ?'
राजनीतिक प्रतिवदेनमाथि धारणा राख्ने क्रममा नेताहरूले उठाएका प्रश्नको अध्यक्ष ओलीले अहिले जवाफ दिइरहनुभएको छ ।
टिप्पणीहरू