बालुवाटारमा त्यताबाट कोही गएनन्

प्रधानमन्त्री तथा एमाले अध्यक्ष केपी शर्मा ओलीले आज बिहान पौने १२ बजे बोलाउनुभएको चियापान कार्यक्रममा वरिष्ठ नेता माधव नेपाल तथा झलनाथ खनाल पक्षका सबै नेता अनुपस्थित हुनुभएको छ ।

उहाँले केन्द्रीय कमिटीको आगामी १२ औं बैठकको सन्दर्भमा आज प्रधानमन्त्री निवास,बालुवाटारमा राख्नुभएको चियापान तथा अनौपचारिक भेटघाट कार्यक्रममा आफ्ना मान्छे मात्र उपस्थित भएको बताइएको छ ।

कार्यक्रममा महासचिव तथा विनाविभागीय उपप्रधानमन्त्री ईश्वर पोखरेल,अर्थमन्त्री विष्णु पौडेल,पूर्व सभामुख सुवास नेम्वाङ,शिक्षामन्त्री कृष्णगोपाल श्रेष्ठ,भौतिक तथा पूर्वाधारमन्त्री वसन्त नेम्वाङ,गण्डकी प्रदेशका मुख्यमन्त्री पृथ्वीसुब्बा गुरुङ, लुम्बिनी प्रदेशका मुख्यमन्त्री शंकर पोखरेल,पर्यटनमन्त्री भानुभक्त ढकाल उपस्थित हुनुहुन्छ ।

त्यसैगरी,गृहमन्त्री रामबहादुर थापा बादल,ऊर्जामन्त्री टोपबहादुर रायमाझी,उद्योगमन्त्री लेखराज भट्ट,सहरी विकासमन्त्री प्रभु साहहलगायतका मन्त्री तथा केन्द्रीय कमिटीका ओलीपक्षीय सदस्यलगायत झण्डै डेढ सय जनाको उपस्थिति रहेको बताइएको छ ।