नागढुङ्गाबाट दुई जना पक्राउ

काठमाडौँ प्रवेशको मुख्य नाका नागढुङ्गा चेक प्वाईन्टबाट लागुऔषधसहित २ जना पक्राउ परेका छन् ।

प्रहरीको लागुऔषध नियन्त्रण व्युरो तथा महानगरीय प्रहरी प्रभाग नागढुंगाको संयुक्त टोलीले शनिबार दिउँसो महोत्तरीको सम्सी गाउँपालिका-२ का ४७ वर्षीय लालबाबु नदाफ र २७ वर्षीय अली हुसेनलाई समातेको हो ।

महोत्तरीको गौशालाबाट काठमाडौँतर्फ आउँदै गरेको प्रदेश नं. ३-०१-००५ ख ९७२७ नं. को यात्रुबाहक बसमा औषधिजन्य लागुऔषध NITRAZEPAM ४४९८ लेखिएको ट्याबलेटसहित प्रहरीले उनीहरुलाई पक्राउ गरेको हो ।

पक्राउ परेका दुबैजनालाई लागुऔषध नियन्त्रण ऐन २०३३ बमोजिम अनुसन्धान भइरहेको प्रहरीले जानकारी दिएको छ ।