स्ववियु निर्वाचन आगामी चैत ५ गते

त्रिभुवन विश्वविद्यालय (त्रिवि) स्वतन्त्र विद्यार्थी युनियन (स्ववियु) को निर्वाचन हुने भएको छ । त्रिविको विद्यार्थी कल्याण परिषद् बैठकले निर्वाचन आगामी चैत ५ गते गर्ने निर्णय गरेको छ ।

शिक्षाध्यक्ष डा. खड्ग केसीको अध्यक्षतामा आज बसेको परिषद् बैठकले स्ववियुको निर्वाचन अघिल्लो कार्यकालमा भएको समयमा नै गर्ने निर्णय गरेको छ । २०७९ चैत ५ गते भएको पछिल्लो निर्वाचनपछि प्रत्येक दुई दुई वर्षमा हुने कानुनबमोजिम आगामी चैत ५ मा गर्न लागिएको हो ।

त्रिविका ६२ आङ्गिक र एक हजार ४० सम्बन्धन प्राप्त क्याम्पसमा निर्वाचन हुने छ ।