ओलीले भोलि युथ फोर्सको भ्याली कमाण्ड घोषणा गर्ने

नेकपा एमालेका अध्यक्ष केपी शर्मा ओलीनिकट राष्ट्रिय युवा संघ नेपाल, युथ फोर्सको भ्याली कमाण्ड घोषणा र सपथ ग्रहण भोलि हुने भएको छ । यो काम भोलि भक्तपुरमा हुने छ ।

आज डोलेश्वोर भिलेज रिसोर्टमा बसेको तयारी बैठकले भोलि मोटरसाइकल र्यालीसहित एमाले अध्यक्ष तथा पूर्वप्रधानमन्त्री केपी शर्मा ओलीको प्रमुख आतिथ्यमा भ्याली कमाण्ड घोषणा तथा शपथ ग्रहणको कार्यक्रम गर्ने जानकारी दिइएको छ ।

कार्यक्रमलाई भब्य बनाउन शनिबार भक्तपुरबाट मोटरसाइकल र्यालीसहित प्रस्थान गर्ने कार्यक्रम रहेको युथ फोर्सले जनाएको छ । कार्यक्रम भोलि बिहान साढे १० बजे डोलेश्वर पार्किंगमा हुने उल्लेख छ ।