पर्सि राजधानीमा माधवनिकट अखिल फोर्सको भेला
नेकपा एमाले माधवकुमार नेपाल निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले आज उपत्यकास्तरीय विशेष कार्यकर्ता भेला सम्पन्न गरेको छ ।
नयाँ बानेश्वरस्थित अर्याल होटलमा आयोजित भेलाले पर्सि शनिबार अखिल फोर्सको बृहत कार्यक्रम गर्ने निर्णय गरेको छ । कार्यक्रमलाई पूर्व प्रधानमन्त्री माधवकुमार नेपालले सम्बोधन गर्नुहुनेछ ।
भेलामा विद्यार्थी राजनीतिलाई थप सशक्त बनाउन अखिल फोर्सको घोषणा गर्नेलगायतका विषयमा छलफल भएको बताइएको छ ।
अनेरास्ववियु अध्यक्ष सुदेश पराजुलीको सभापतित्वमा भएको कार्यक्रममा महासचिव आरती लामालगायतको उपस्थिति थियो ।
ट्रेन्डिङ पोस्ट
टिप्पणीहरू