एयरपोर्टबाट सुन बरामद
प्रहरीको अपराध महाशाखा टोलीले आधा किलो सुनसहित भारतीय नागरिक किजाकेथल नौसादलाई पक्राउ गरेको छ। उनी त्रिभुवन विमानस्थलबाट पक्राउ परेका हुन् । दुबई, सारजहाबाट काठमाडौं आएका नैसादले क्याप्सुल बनाएर सुन तस्करी गर्न खोजेका थिए । तर, विमानस्थलमा चेकजाँचका क्रममा पक्राउ परेको महानगरीय अपराध अनुसन्धान महाशाखाले जनाएको छ । यस्तै, मलेसियाबाट आएका भारतीय नगारिक मोहमद म्यादिन स्थालीको साथबाट दुई सय ग्राम हिरा बरामद भएको छ । भन्सार क्षेत्र कटिसकेपछि शंका लागेर काठमाडौं मेडिकल कलेजमा लगेर जचाउँदा २ सय ग्राम हिरा पेटमा राखेर ल्याएको भेटिएको अपराध महाशाखाले जनाएको छ ।
टिप्पणीहरू