२ थान ब्रासलेटसहित सौकात समातिए

त्रिभुवन अन्तर्राष्ट्रिय विमानस्थलबाट सुनसहित एक जनालाई प्रहरीले पक्रेको छ । कतारबाट नेपाल आएका ०८२३०२७९ नम्बर राहदानी भएका उनलाई समातिएको विमानस्थल प्रहरीले जनाएको छ ।

पक्राउ पर्ने सप्तरी मौवावेल्ही वडा नम्बर ४ घर भएका ३६ वर्षीय एम.डि.सौकात अली हुन् । प्रहरीका अनुसार विमानस्थलको अन्तर्राष्ट्रिय आगमनतर्फको पार्किङ एरियाबाट दुई थान सुनको ब्रासलेटसहित उनलाई पक्राउ गरिएको हो ।

विमानस्थलको अन्तर्राष्ट्रिय आगमनतर्फको पार्कीङ एरियामा खानतलासी गर्दा उनले अवैध रुपमा लुकाई छिपाई ल्याएकोे ९४ दशमलब ९ ग्राम तौलको सुन फेला परेको थियो । सो सुनको मूल्य नेपाली बजारमा अन्दाजी सात लाख अन्ठानब्बे हजार नौ सय त्रिसठ्ठी पर्न आउने प्रहरीको अनुमान छ ।

पक्रेपछि उनलाई आवश्यक कारवाहीको लागि त्रिभुवन विमानस्थल भन्सार कार्यालय, गौचरमा बुझाइएको प्रहरीले जनाएको छ ।