पर्सामा एकनाले बन्दुक पड्काइयो

पर्सामा बाह्र बोरको एकनाले घरेलु बन्दुकसहित एक जना युवक पक्राउ परेका छन् । आज सखुवाप्रसौनी गाउँपालिका १ औराहा बस्ने २७ वर्षीय सल्टु महतोलाई प्रहरीले नियन्त्रणमा लिएको हो ।

औराहा गाउँ बस्ने मंगलबहादुर भ्लोनको घरबाहिर उनले बन्दुक पड्काएका थिए । सोही क्रममा अुनसन्धान गर्दा उक्त घटनामा महतोको संलग्नता रहेको देखिएपछि उनलाई समातिएको प्रहरीले बताएको छ ।

महतोले उक्त बन्दुक घर नजिकै नालीमा लुकाई राखेको अवस्थामा प्रहरीले फेला पारेको हो । उनले चामलको बोराभित्र लुकाएर राखेको एक राउण्ड गोली पनि बरामद गरिएको जिल्ला प्रहरी कार्यालय पर्साले जनाएको छ ।