पर्सामा आज पनि गाँजा समातियो

पर्सामा ६ किलो गाँजासहित दुई जना समातिएका छन् । पक्राउ पर्नेमा बहुदरमाई नगरपालिका–९, विश्रामपुर बस्ने ३४ वर्षीय सुरेन्द्र पटेल र ४५ वर्षीय ज्वाहिर रावत हुन् ।

उनीहरुलाई आज पर्सागढी नगरपालिका–८, हरपुरबाट पक्राउ गरेको इलाका प्रहरी कार्यालय एकटागाले जनाएको छ । उनीहरुले प्रयोग गरेको प्रदेश २–०३०२० प ८८०० नम्बरको मोटरसाइकललाई प्रहरीले जाँच गर्ने क्रममा झोलाभित्र लुकाई राखेको अवस्थामा गाँजा फेला परेको प्रहरीले जनाएको छ ।

उनीहरुमाथि थप अनुसन्धान भइरहेको बताइएको छ । पछिल्ला दिनमा बारा, पर्सा र रौतहटबाट भारततर्फ गाँजा लैजान खोजिएका घटनाहरु सार्वजनिक हुँदै आएका छन् ।