१२ वर्षीया सुस्तमनस्थिति बालिका बलात्कृत

सिन्धुपाल्चोकमा सुस्तमनस्थितिकी बालिकामाथि बलात्कार गरिएको छ । बलात्कार आरोपमा सिन्धुपाल्ञ्चोकको सुनकोशी गाउँपालिका ५ बस्ने ५६ वर्षीय डम्बर भुजेल पक्राउ परेका छन् ।

उनले अस्ति साँझ ७ बजेको समयमा पँधेरोटोलको बाटोमा १२ वर्षीया सुस्तमनस्थिति भएकी बालिकालाई जबरजस्ती करणी गरेको जिल्ला प्रहरी कार्यलय, सिन्धुपाल्ञ्चोकका प्रहरी नायव उपरीक्षक दक्षकुमार बस्नेतले जानकारी दिए ।

पीडित बालिकाको जिल्ला अस्पताल, चौतारामा स्वास्थ्य परिक्षण गरिएको छ । बालिकाको स्वास्थ्य अवस्था सामान्य रहेकाले हिजो परिवारको साथमा घर फर्काइएको प्रहरीले जानकारी दिएको छ ।

पक्राउ परेका भुजेलमाथि जबरजस्ती करणी मुद्दामा सिन्धुपाल्चोक जिल्ला अदालतबाट ७ दिनको म्याद थप गरि अनुसन्धान भइरहेको छ ।