फर्पिङमा पनि थुप्रै लागुऔषध फेला

तराईबाट आएका सवारी साधन चेकजाँच गर्ने क्रममा आज दक्षिणकालीमा एक सय ४७ थान लागुऔषध फेला परेको छ । वीरगञ्जबाट काठमाडौं आउँदै गरेको ना. १ ज ३४७० नम्बरको टाटा सुमोमा यात्रारत दुई जना यात्रुको साथबाट उक्त परिमाणको लागुऔषध फेला परेको बताइन्छ ।

सिट नम्बर ९ र १० मा सवार दुई जनाले पत्रिकालाई पानी टेपले बेरेर ल्याएको फेनारगन ४९ थान, नुर्फिन ४९ थान र डाईजेपाम ४९ थान गरि कुल एक सय ४७ थान लागुऔषध फेला पारिएको प्रहरीले जनाएको छ ।

पक्राउ पर्नेमा काभ्रेपलाञ्चोकको पाँचखाल नगरपालिका २ देवीथान बस्ने २९ वर्षे ज्ञानबहादुर तामाङ र वर्ष २७ का मानबहादुर तामाङ हुन् । उनीहरुलाई थप अनुसन्धानको निम्ति प्रहरी वृत्त कीर्तिपुर पठाइएको छ ।