दाङ्गमा अपरिचित व्यक्तिको बाइक र लाश फेला पर्यो

घोराही-२ रामपुरको वालिम खोला पुल छेउमा एक अपरिचित व्यक्तिको बाइक र लाश फेला परेको छ ।

बिहान स्थानीयहरु हिंड्डुल गर्दा बाइकसहित मृतक देखेपछि प्रहरीलाई खबर गरेका थिए ।   "घटना हेर्दा हिजोको जस्तै देखिन्छ । घटनास्थलमा हामी आज बिहान सात बजे पुगेका थियौँ ।

घोराहीबाट हसिपुर जाँदै गर्दा बाइक अनियन्त्रित भएको जस्तो देखिन्छ । रा.२ प ४८९२ नम्बरको बाइक सडकबाट करिब ४८ फीट तल खसेको रहेछ ।तर,बाइक भने केही भएको छैन । लाशलाई पोष्टमार्टमको लागि लाने तयारी गरेर थप अनुसन्धान गरिरहेका छौँ  ।"–जिल्ला प्रहरी कार्यालय दाङका डिएसपी राजन गौतमले जनआस्थालाई बताउनुभयो ।