‘किसानमारा दलहरु मूर्दावाद’ भन्दै चितवनको सडकमा तरकारी फालियो

चितवनका किसानले बिचौलियाका कारण ताजा तरकारीको मूल्य पाँच रुपैयाँ प्रतिकिलो पनि नपाएपछि आफ्नो उत्पादन राजमार्गमा फालेका छन् । उनीहरुले आज दिउँसो पूर्वपश्चिम राजमार्गअन्तर्गत नारायणगढस्थित पुलचोकको सडकमा तरकारी फालेर बिरोध प्रदर्शन गरेका हुन् ।

चितवनमा गोलभेँडा, बन्दाकोभी, केराउ, गाँजरलगायत तरकारी पाँच रुपैयाँमा पनि बिक्री हुन नसकेपछि किसानहरुले आफ्ना उत्पादन  ट्याक्टरमा ल्याएर सडकमा फालेका हुन् ।

किसानले प्ले कार्ड बोकेर स्वदेशी उत्पादनलाई प्राथमिकता दिन आग्रह गरेका छन् । ‘किसानमारा दलहरु मूर्दावाद’ एउटा प्लेकार्डमा लेखिएको छ ।