एमाले अध्यक्षले एकै ठाउँबाट देशभरको कार्यक्रमलाई समेट्ने
नेकपा एमालेले भोलिदेखि शुरु गर्न लागेको प्रदेशस्तरीय प्रशिक्षण कार्यक्रमलाई अध्यक्ष केपी शर्मा ओलीले संयुक्त सम्बोधन गर्नुहुने भएको छ ।
‘मिसन ग्रासरुट’ नाम दिइएको दुई महिने पार्टी सुदृढीकरण तथा विस्तार अभियान तथा सात प्रदेश र विशेष प्रदेशमा आयोजना हुने अभिमुखीकरण कार्यक्रमलाई ओलीले भर्चुअल सम्बोधन गर्न लाग्नुभएको हो । अभियानका लागि जिम्मेवारी तोकिएका केन्द्रीय नेताहरु भने आ–आफ्नो प्रदेशमा पुगिसकेका छन् ।
गत माघ २६ गते बसेको एमाले सचिवालय बैठकले ‘मिसन ग्रासरुट’ अभियान चलाउने निर्णय गरेको थियो । अभियानमा केन्द्रीय सदस्यहरुलाई ११ वटा जिम्मेवारी दिएर पालिकामा खटाउने एमालेको निर्णय छ ।
टिप्पणीहरू