बैतडीमा जीप दुर्घटना, बझाङका एकै परिवारका छ जनाको मृत्यु

बैतडीमा गएराति भएको जीप दुर्घटनामा छ जनाको मृत्यु भएको छ । बैतडीको पाटन नगरपालिका–८ को झौलेक मोडमा से.१ज ७६४ नम्बरको जीप दुर्घटना भएको बताइएको छ । 

उनीहरु सबैको घटनास्थलमा मृत्यु भएको प्रहरीले जनाएको छ । बझाङको केदारस्युँ गाउँपालिका–५ बाँझका ६० वर्षीय मने बोहरा, ४२ वर्षीय नरे बोहरा, ३५ वर्षीय गोरख बोहरा, ४५ वर्षीय मानबहादुर धामी, ४५ वर्षीय बिर्ख धामी र ४० वर्षीय वीरे धामीको ज्यान गएको छ ।

उनीहरु सबै भारतबाट आएका थिए । रिजर्भ गरिएको उक्त जीपमा १२ जना यात्रु सवार थिए । ती सबै स्थानीय बिसु पर्व मनाउन भारतबाट आएको बताइएको छ । चालक २७ वर्षीय अर्जुन बोहरा फरार छन् । उनीपनि बझाङ, बाँझाकै हुन् ।