बिस्केटका लागि चार दिन सार्वजनिक बिदा
भक्तपुरको मध्यपुर थिमी नगरपालिकाले चार दिन सार्वजनिक बिदा दिने निर्णय गरेको छ । आजबाट वैशाख ३ गतेसम्म सार्वजनिक बिदा दिन लागिएको हो ।
नयाँ वर्षमा भक्तपुरमा मनाइने ऐतिहासिक एवं सांस्कृतिक महत्वको बिस्काः अर्थात बिस्केट जात्राको अवसरमा बिदा दिइएको नगरपालिकाले जनाएको छ । हरेक नयाँ वर्षमा मध्यपुर थिमिमा भव्य रुपमा बिस्केट जात्रा मनाउने गरिएको छ ।
‘२०७९ चैत ३० गते बिहीबार र २०८० वैशाख ३ गते आइतबार यस नगरपालिकाअन्तर्गतका कार्यालय र विद्यालयहरु समेतमा स्थानीय बिदा हुने व्यहोरा यस नगरपालिकाको मिति २०७९–१२–२८ को निर्णयानुसार जानकारीका लागि अनुरोध छ’, जारी सूचनामा भनिएको छ ।
बिस्केट भक्तपुरका नेवारी समुदायको सबैभन्दा ठूलो चाड हो । बिस्केट जात्रामा सिन्दुरको होलीसमेत खेल्ने गरिएको छ । त्यस्तै, जिब्रो छेड्ने प्रचलन पनि रहँदै आएको छ ।
नौ दिन आठ रातसम्म मनाइने यो जात्रामा आफन्तलाई भोज खुवाउने, बलि पूजा गर्ने चलन छ ।
ट्रेन्डिङ पोस्ट
टिप्पणीहरू