‘डिभोर्स’ बारे विवादमा तानिएकी देवी प्रतिभा फेरि आइन्
चर्चित कथावाचिका देवी प्रतिभा नेपाल आएकी छन् । चितवनको देवघाट महोत्सवमा सहभागी हुन १५ जनाको जम्बो टोलीसहित उनी हिजो साँझ नेपाल आएकी हुन् ।
उनले महोत्सवमा १० दिन कथावाचन गर्ने बताइएको छ । काभ्रेपलाञ्चोक घर भएकी प्रतिभा यसअघि पशुपतिमा आयोजित एक महिने कोटीहोममा पनि सहभागी भएकी थिइन् ।
त्यतिबेला ‘प्यार से बोलो ना, थोडा जोर से बोलो ना, मस्तीमे बोलो ना’ लगायत उनको थेगोले हजारौँ दर्शनार्थीलाई लोभ्याएको थियो । यद्यपि, श्रीमानसँगको पारपाचुके (डिभोर्स) बारे दिइएको अभिव्यक्तिका कारण उनी विवादमा तानिइन् ।
२३ वर्षीया प्रतिभा भारतमा महंगो पारिश्रमिक लिने कथावाचकमध्येकी एक हुन् ।
टिप्पणीहरू