सांग्रीला बैंक अगाडिबाट ५ लाख अवैध रकम बरामद
वीरगञ्जमा अवैध रकमसहित दुई जना समातिएका छन् ।
बाराको परवानीपुर गाउँपालिका-३ का ३४ वर्षीय कृष्णप्रसाद सोनार र ३९ वर्षीय सुनिल साह कानुलाई पर्सा प्रहरीले स्रोत नखुलेको साढे पाँच लाख नेपाली रुपैयाँसहित पक्राउ गरेको हो ।
वडा प्रहरी कार्यालय श्रीपुरबाट खटिएको प्रहरी टोलीले उनीहरुलाई वीरगञ्ज महानगरपालिका–८ लिंकरोडस्थित सांग्रीला बैंक अगाडिबाट रकमसहित हिजो दिउँसो नियन्त्रणमा लिएको बताइएको छ ।
पक्राउ परेका दुबै जनामाथि आवश्यक अनुसन्धान भइरहेको प्रहरीले जनाएको छ ।
ट्रेन्डिङ पोस्ट
टिप्पणीहरू