पाँचथरमा ५० बढी भेडा मृत फेला

पाँचथरको फालेलुङ ३, देउरालीमा ५४ भेडा मृत फेला परेका छन् । हिजो राति चलेको ठूलो हावाहुरी र चट्याङले ती भेडा मरेका बताइएको छ । 

स्थानीय भेडा फर्ममा पालिएकामध्ये ५४ भेडा रातको समयमा मरेको जिल्ला प्रहरी कार्यालय पाँचथरले जनाएको छ ।

बिहान एक दर्जन भेडा घाइते अवस्थामा फेला परेको हो । फर्ममा रहेका ५५ वर्षीय प्रेम राई चट्याङ्गका कारण गम्भीर घाइते भएको बताइएको छ ।