चोरीपैठारीको सामान बाकेको गाडी सशस्त्रको नियन्त्रणमा
सशस्त्र प्रहरी बल नेपालले झापामा लाखौंको सामानसहित सवारी साधन नियन्त्रणमा लिएको छ । मेचीनगर नगरपालिका ७ स्थित पूर्व–पश्चिम लोकमार्गको निन्दा पुल नजिकैबाट १६ लाख ८९ हजार ५० रुपैयाँ बराबरको चोरीपैठारीको सामान र गाडी नियन्त्रणमा लिइएको बताइएको छ ।
सशस्त्रको नम्बर २ गण झापाले इलेक्ट्रिक सामान र मोटरपाटर्ससहित भारतबाट नेपालतर्फ आउँदै गरेको डब्लुबी ७४ एटी ३९४० नम्बरको भारतीय गाडी नियन्त्रणमा लिएको हो । गाडीमा सामानको प्रज्ञापनपत्र नभएको र नेपालभित्र सञ्चालन गर्ने ईजाजतपत्र समेतनभएको फेला परेपछि सामान र गाडी नियन्त्रणमा लिइएको सशस्त्रले जनाएको छ ।
उक्त सामान र गाडी भन्सार कार्यालय काँकडभिट्टामा बुझाइएको छ ।
टिप्पणीहरू