दमकमा जुवाको खालबाट छ जुवाडे पक्राउ
झापाको दमकमा जुवा खेलिरहेको अवस्थामा छ जना जुवाडे खालबाट पक्राउ परेका छन् ।
दमक नगरपालिका–१० बस्ने ४० वर्षीय प्रेमकुमार राईसहित छ जना स्थानीय सैगुन राईको घरमा जुवा खेलिरहेको अवस्थामा समातिएका हुन् ।
विशेष सुराकीका आधारमा ईलाका प्रहरी कार्यालय दमकबाट खटिएको प्रहरी टोलीले उनीहरुलाई खालबाटै नियन्त्रणमा लिई ४९ हजार २ सय ३५ रुपैयाँ नगद र ३ बुक तास बरामद गरेको छ ।
पक्राउ परेका उनीहरुमाथि थप अनुसन्धान भइरहेको प्रहरीले जनाएको छ ।
टिप्पणीहरू