बालाजु नजिकै सडक दुर्घटना, यात्रुवाहक बस शेषमतिमा खस्यो

बालाजु नजिकै भएको सडक दुर्घटनामा आठ जना घाइते भएका छन् । तीमध्ये एक जनाको अवस्था गम्भीर रहेको बताइएको छ । 

काभ्रेस्थलीबाट रत्नपार्कतर्फ आउँदै गरेको बस सडकमा रोकिराखेको जीप र मोटरसाइकललाई ठक्कर दिएपछि शेषमतिमा खसेपछि आठ जना घाइते भएका हुन् । अनियन्त्रित गतिमा गुडेको बा.३ ख ६३६७ नम्बरको यात्रुवाहक बसले मधेश प्रदेश ०३–००१ च ७४११ नम्बरको जीप र रोकिरहेको बा.४९ प ७०१ नम्बरको मोटरसाइकललाई ठक्कर दिएपछि शेषमतिमा खसेको हो ।

घाइतेमध्ये दुई जनालाई ग्रीनसिटी अस्पताल र छ जनालाई पिपुल्स हस्पिटल लगिएको प्रहरीले जनाएको छ ।