हतियारधारीहरुद्वारा एनएमबी बैंकमा लुटपाट

महोत्तरीमा हतियारधारीहरुको एउटा समूहले एनएमबी बैंक लुटेको छ । महोत्तरी गाउँपालिकामा रहेको उक्त बैंकको शाखामा पसेर उनीहरुले नगद लुटेका हुन् ।

दिउँसोको समयमा बैंक लुटिएको प्रहरीले जनाएको छ । दुई वटा मोटरसाइकलमा आएको समूहमा चार जना थिए ।

मुख छोपेर बैंक भित्र पसेका लुटेराले सरासर पैसा लिएर गएको बताइन्छ । प्रहरीका अनुसार बैंकभित्र र बाहिरको सीसीटिभी फुटेजमा उनीहरुले सजिलैसँग बैंक लुटेको देखिएको हो ।

हतियार बोकेका उनीहरु सरासर बैंक काउण्टरमा गएर त्यहाँको रकम झोलामा हालेर सजिलैसँग बाहिरिएका हुन् । लुटिएको रकमबारे यकिन भइनसकेको बताइन्छ । प्रहरीले उनीहरुको खोजी जारी रहेको बताएको छ । 

यता, बैंकले औपचारिक रुपमा केही बताएको छैन ।