कञ्चनपुरको जुवाको खालमा १० जना

प्रहरीले कञ्चनपुरको एउटा जुवाखालबाट १० जना जुवाडे पक्रेको छ । भीमदत्त नगरपालिका–४, बसपार्कस्थित रतगैया होटलमा जुवा खेलिरहेको अवस्थामा सोही नगरपालिका–११ का ३८ वर्षीय प्रकाश थापासहित १० जनालाई प्रहरीले नियन्त्रणमा लिएको बताइएको छ ।

विशेष सूचनाको आधारमा वडा प्रहरी कार्यालय, महेन्द्रनगरबाट खटिएको टोलीले उनीहरुलाई हिजो दिउँसो नियन्त्रणमा लिएको जनाइएको छ । 

प्रहरीले उनीहरुको साथबाट डेढ लाखबढी रुपैयाँ र ६ बुक तास पनि बरामद गरेको छ । पक्राउ परेकाहरुमाथि थप अनुसन्धान भइरहेको जानकारी दिइएको छ ।