चीनमा डेढ दशकमा ४५ हजार किलोमीटर हाइस्पिड ट्रेन ट्रयाक

चीनले उच्च गतिको रेल सञ्चालन गरेको १५ वर्षमा ४५ हजार किलोमीटर लामो हाइस्पिड ट्रेन ट्रयाक निर्माण गरेको छ । सन् २०२३ को अन्त्यसम्म चीनका अधिकांश प्रान्त र ठूला शहरमा उच्च गतिको रेल सेवा पुगेको बताइएको छ ।

चाइना स्टेट रेलवे कम्पनी लिमिटेडलाई उद्धृत गर्दै चिनियाँ समाचार समिति सिन्ह्वाले लेखेको छ, ‘चीनमा कुल एक लाख ५९ हजार किलोमीटर लामो रेल सञ्जाल छ । त्यसमध्ये झण्डै एक तिहाई हाइस्पिड ट्रेनको हो ।’ 

पछिल्लो एक वर्षको अवधिमा चीनले बनाएको तीन हजार ६३७ किलोमीटर नयाँ लाइनमध्ये दुई हजार ७७६ किलोमिटर उच्च–गति रेल्वे लाइन हो ।

फाेटाे स्राेत : चाइना डेली ।