राजधानीमा एकाबिहानै कार दुर्घटना, एकको मृत्यु
![राजधानीमा एकाबिहानै कार दुर्घटना, एकको मृत्यु](https://janaaastha.prixacdn.net/media/albums/449330763_414949134874378_8238839880882049463_n_fdZzrIphSL.jpg)
काठमाडौंको रामकोटमा भएको कार दुर्घटनामा एक जनाको मृत्यु भएको छ । नागार्जुन नगरपालिका–६, छमछमे खोलाको कलभर्टमा कार खस्दा चालक पूर्ण दर्नालको मृत्यु भएको प्रहरीले जनाएको छ ।
कार आज बिहान साढे ५ बजेको समयमा खसेको बताइएको छ । मृतक चालक सोही नगरपालिकाको खरिबोटका बासिन्दा भएको खुलेको छ ।
दुर्घटनामा परेको कार क्षतिग्रस्त भएको र घटनाबारे थप अनुसन्धान भइरहेको प्रहरीले जनाएको छ ।
टिप्पणीहरू