बन्चरोले हानेर मालिकको हत्या, कामदार बेपत्ता
मोरङको सुन्दरहरैचा नगरपालिका–९ का ४९ वर्षीय सहदेव बजगाईंको बन्चरोले हानेर हत्या भएको छ ।
सोही नगरपालिका–१ स्थित कुखुरा फार्म सञ्चालन गर्दै आएका उनको आज बिहान फर्मभित्र क्षतविक्षत अवस्थामा शव फेला परेको हो । बजगाईँको टाउकोमा बञ्चरो प्रहार गरी हत्या भएको अवस्थामा शव फेला परेको जिल्ला प्रहरी कार्यालय मोरङका डिएसपी ज्ञानेन्द्र बस्नेतले जानकारी दिए ।
उनका अनुसार फार्ममा काम गर्न एक दम्पत्ति त्यहिँ बस्दै आएका थिए । तर, घटनापछि उनीहरु फरार रहेका छन् ।
‘फार्मभित्रै हत्या भएको र कामदार पनि फरार रहेकोले उनीहरु नै हत्यामा संलग्न रहेको हाम्रो आशंका छ,’ डिएसपी बस्नेतले भने, ‘उनीहरुको तीव्र रुपमा खोजतालस भइरहेको छ ।’
घटनास्थलबाट प्रहरीले एउटा बञ्चरो र दाउरा पनि बरामद गरेको जनाएको छ ।
ट्रेन्डिङ पोस्ट
टिप्पणीहरू