पेट्रोल, मट्टितेल र डिजेलको भाउ घट्यो

नेपाल आयल निगमले राति १२ बजेपछि पेट्रोल, मट्टितेल र डिजेलको भाउ घट्ने जनाएको छ । इण्डियन आयल कर्पोरेसनबाट प्राप्त नयाँ खरिद मूल्यअनुसार पेट्रोलको मूल्य प्रतिलिटर ५ रुपैयाँ घटाइएको छ । 

त्यसैगरी मट्टितेल र डिजेलको मूल्य प्रतिलिटर ३ रुपैयाँ घटाइएको जनाइएको छ । नयाँ मूल्यअनुसार राजधानी काठमाडौं र वरपरका जिल्लामा पेट्रोलको मूल्य प्रतिलिटर १६५ कायम भएको छ । 

मट्टितेल र डिजेलको मूल्य प्रतिलिटर १५५ कायम भएको जनाइएको छ ।