‘सिटामोल अभाव छैन’
नेपाल औषधि लिमिटेडले आफुले उत्पादन गरेको सिटामोलको अभाव नरहेको बताएको छ । मुलुकभर डेंगु संक्रमण बढिरहेको अवस्थामा बजारमा सिटामोलको अभाव रहेको गुनासोपछि लिमिटेडले यस्तो प्रतिक्रिया दिएको हो । लिमिटेडले आज सूचना जारी गर्दै सिटामोलको नियमित उत्पादन भइरहेको र अभाव पनि नरहेको बताएको छ ।
‘लिमिटेडको प्रमुख उत्पादनको रुपमा रहेको सिटामोलको नियमित उत्पादन भइरहेको र लिमिटेडमा खरिदका लागि सम्पर्क गर्नुहुने लिमिटेडका सबै स्टकिस्ट, सरकारी अस्पताल तथा तीनै तहका सरकार मातहतका स्वास्थ्य आपूर्ति व्यवस्थापन निकायलाई मागअनुसारको परिमाणमा सिटामोलको तत्काल आपूर्ति गर्दै आइएको जानकारी गराइन्छ,’ सूचनामा उल्लेख छ ।
पछिल्लो समय बढ्दै गएको डेंगु संक्रमणलाई ध्यानमा राख्दै लिमिटेडको बबरमहलस्थित बिक्री महाशाखाको काउन्टरबाट सिटामोल खरिद गर्न सक्ने व्यवस्था मिलाएको पनि जनाइएको छ । बिहान ८ बजेदेखि साँझ ६ बजेसम्म जोकोहीले पनि महाशाखाको काउन्टरबाट आवश्यकताअनुसारको सिटामोल खरिद गर्न सक्ने लिमिटेडले जानकारी गराएको छ ।
टिप्पणीहरू