साढे १३ लाख यात्रुलाई मनकामना केबलकार चढाउने तयारी
मनकामना केबलकारले स्थापनाको २६ वर्ष पूरा गरी २७ औं वर्ष प्रवेशमा थप सेवा दिने प्रतिबद्धता जनाएको छ । केबलकार हाताभित्र सुविधा सम्पन्न रिसोर्टको निर्माणपछि स्तरीय सेवा दिइने उल्लेख छ।
अन्तिम चरणमा पुगेको रिसोर्टमा स्वीमिङ्ग पुल, हेल्थ क्लब, सेमिनार हल र रेष्टुरेन्टको सुविधा राखिएको छ । पहिले १० लाख र पछिल्ला वर्षमा वार्षिक १२ लाख यात्रुलाई सेवा दिएको केबलकारले यो वर्ष १३ लाख ५० हजार यात्रुलाई सेवा दिने लक्ष्य लिएको छ ।
व्यवसायी लक्ष्मण बाबु श्रेष्ठले स्थापना गरेको उक्त कम्पनीले मनकामना मन्दिर र आसपासका क्षेत्रको स्वास्थ्य, शिक्षा र स्थानीय विकासमा विशेष योगदान गर्दै आएको छ ।
टिप्पणीहरू