दशैँलगत्तै पत्रकारलाई तिहार खर्च

महँगो होटलमा तामझामका साथ कार्यक्रम गरी आफ्नो सय दिने उपलब्धि सार्वजनिक गरेका श्रम, रोजगार तथा सामाजिक सुरक्षामन्त्री शरतसिंह भण्डारीले सहभागीलाई पैसा बाँडेको पाइएको छ । 

केपी शर्मा ओली नेतृत्वको सरकारमा १७ औं पटक मन्त्री बनेका भण्डारीले केही दिनअघि बसेरा होटलमा विशेष कार्यक्रम आयोजना गरी सय दिने उपलब्धि सार्वजनिक गरेका थिए । कार्यक्रममा निम्त्याइएका अतिथि र पत्रकारलाई खाजा र खानाको व्यवस्था थियो भने हिंड्ने बेला मन्त्रालयको खामभित्र एक हजारको नोट राखेर 'बाटो खर्च' पनि दिइएको बताइएको छ ।

मन्त्री भण्डारीले कार्यक्रम आयोजना गरेको बसेरा होटलका मालिक मेडिकल माफिया भनेर चिनिने विशाल पण्डित हुन् । उक्त होटलमा नेकपा एमालेले पनि बेला-बेला सचिवालय बैठक राख्ने गरेको छ । 

प्रधानमन्त्री केपी ओलीसहित अन्य मन्त्रीले भने मन्त्रालयमै पत्रकार सम्मेलन गरेर सय दिनको प्रगति विवरण सार्वजनिक गरेका छन् ।