एमाले टोली चीन जाने अन्तिम तयारीमा

नेकपा एमालेका वरिष्ठ उपाध्यक्ष ईश्वर पोखरेल नेतृत्वको टोली भोलि चीन जाँदैछ । कम्युनिष्ट पार्टी,बिदेश विभागको निमन्त्रणामा हुन लागेको भ्रमणमा सचिव लेखराज भट्ट,स्थायी कमिटी सदस्य गोरखबहादुर बोगटी, केन्द्रीय सदस्य सम्झना देवकोटा,सरिता भुसाल, शान्ति ढकाललगायत छन् । 

त्यस्तै कोशी प्रदेश कमिटी सचिव राजकुमार भण्डारी, प्रधानमन्त्रीकी स्वकीय सचिव रोशनी मेचे,एमाले विदेश विभाग सदस्य डा.दीपेन्द्र श्रेष्ठ,झापा गौरीगञ्ज गाउँपालिका उपाध्यक्ष पुजन न्यौपाने, मधेस प्रदेश समिति उपसचिव मोहम्मद कैश, प्रचार विभाग सदस्य दीपक ज्ञवाली,केन्द्रीय सल्लाहकार तारा बराल र नीति प्रतिष्ठानका सदस्य आशिष रेग्मीलाई पनि टोलीमा राखिएको छ । 

टोली नान्जिङ पुगेपछि भ्रमणको औपचरिक शुरुवात हुने छ । वरिष्ठ उपाध्यक्ष पोखरेलले त्यहाँ सेकेण्ड ग्लोबल साउथ थिंक ट्यांक फोरमलाई सम्बोधन गर्ने विदेश विभाग सदस्य डा.श्रेष्ठले जानकारी दिए । 

उनका अनुसार भोलि प्रस्थान गर्न लागेको टोलीको भ्रमण मिति प्रधानमन्त्रीको चीन भ्रमण अगावै तय भएको हो । प्रधानमन्त्री केपी शर्मा ओली मंसिर दोस्रो साता चीन भ्रमणमा जाँदै हुनुहुन्छ ।