प्रधानमन्त्री बेइजिङको चिसो बिहानीमा तिआनमेन स्क्वायरमा

प्रधानमन्त्री केपी शर्मा ओलीले चिनियाँ जनक्रान्तिका सहिदका स्मारकमा पुष्पहार अर्पण गर्नुभएको छ । चीनको औपचारिक भ्रमणको क्रममा उहाँले आज बिहान बेइजिङको तियानमेन स्क्वायरस्थित चिनियाँ जनक्रान्तिका सहिदहरुको स्मारकमा पुष्पहार अर्पण गर्दै श्रद्धाञ्जली व्यक्त गर्नुभएको छ ।

प्रधानमन्त्री ओली आफ्ना चिनियाँ समकक्षी ली छ्याङसँग औपचारिक भेटवार्ता, सहमति र समझदारीमा हस्ताक्षर गर्ने क्रममा ग्रेट हल अफ पिपल नजिकैको स्मारक पुग्नुभएको हो ।

नेपाल र चीनबीच आपसी हितका विविध विषयमा विचार आदानप्रदान र आठबुँदे सहमतिमा हस्ताक्षर भएको छ । चीन भ्रमणको क्रममा प्रधानमन्त्री प्रतिनिधिमण्डलसहित हिजो राति बेइजिङ पुग्नुभएको हो ।