साता लामो बेइजिङ बसाइपछि चिनियाँ राजदूतको काठमाडौं आगमन

नेपालका लागि चिनियाँ राजदूत छन सोङ चीनको सिचुआन प्रान्तको राजधानी छन्तुबाट काठमाडौं आइपुग्नुभएको छ । उहाँ सवार एअर चाइनाको उडान नम्बर सीए ४३७ विमान अपरान्ह पौने ५ बजे त्रिभुवन अन्तर्राष्ट्रिय विमानस्थल अवतरण गरेको बताइएको छ ।

राजदूत छन एअर चाइनाको उडान नम्बर सिए ४३८ मा गत शनिबार साँझ छन्तु हुँदै राजधानी बेइजिङ पुग्नुभएको थियो । दूतावासका प्रेस र पोलिटिकल विभाग प्रमुख यु फङछनसहित राजदूत छन प्रधानमन्त्री केपी शर्मा ओलीको गत सोमबारदेखिको चार दिने औपचारिक चीन भ्रमणको तयारीका लागि त्यता जानुभएको थियो ।